Seysmoprognostik monitoring Respublika
markazi to‘g‘risida
MA’LUMOT
O‘zbekiston Respublikasi
Prezidentining “Favqulodda vaziyatlarning oldini olish va ularni bartaraf etish
tizimi samaradorligini tubdan oshirish chora-tadbirlari to‘g‘risida”gi 2017-yil
1-iyun PF-5066-son Farmoniga asosan Seysmologiya institutining tezkor xabarlar xizmati
va seysmik xavfning seysmologik monitoringi va prognostik monitoring respublika
tarmog‘i bazasida O‘zbekiston Respublikasi
Favqulodda vaziyatlar vazirligining seysmoprognostik monitoring Respublika markazi
tashkil etildi va jami 50 ta stansiyalar Favqulodda vaziyatlar vazirligiga o‘tkazildi.
Seysmoprognostik
monitoring Respublika markazi (keyingi o‘rinlarda Markaz deb yuritiladi) — qonun hujjatlarida belgilangan talablarga
asosan o‘z faoliyatini amalga oshiradi, respublika va transchegaraviy
hududlarda, shuningdek, tabiiy va texnogen xavfli hududlarda hamda muhim
obyektlarda seysmik xavfsizlik bo‘yicha monitoringni tashkil etadi, kuchli va
talafotli zilzilalar sodir bo‘lishi xavfi mavjud bo‘lganida ularning
oqibatlarini bartaraf etish uchun zarur choralarni ko‘rish bo‘yicha takliflarni
ishlab chiqadi.
Markaz o‘z ishini O‘zbekiston Respublikasi Favqulodda vaziyatlar
vazirligining (yillik, yarim yillik va choraklik) rejalari, shuningdek,
vazirlik topshiriq va ko‘rsatmalari asosida tashkil etadi.
Markaz o‘z faoliyatida O‘zbekiston Respublikasi Konstitutsiyasi
qonunlariga, O‘zbekiston Respublikasi Oliy Majlis palatalarining qarorlariga,
O‘zbekiston Respublikasi Prezidenti farmonlari, qarorlari va farmoyishlariga,
O‘zbekiston Respublikasi Vazirlar Mahkamasi qarorlari va farmoyishlariga,
vazirlik zimmasiga yuklatilgan vazifalar bo‘yicha xalqaro shartnomalarga,
vazirlikning buyruq, buyruqnoma, farmoyish va huquqiy tusdagi boshqa
hujjatlariga amal qiladi.
Markaz faoliyatiga O‘zbekiston Respublikasi Favqulodda vaziyatlar vaziri
tomonidan lavozimga tayinlanadigan boshliq rahbarlik qiladi.
Markaz O‘zbekiston Respublikasi Favqulodda vaziyatlar vazirligining
tarkibiy tuzilmasi hisoblanadi va bevosita Favqulodda vaziyatlar vazirining
birinchi o‘rinbosari – Shtab boshlig‘iga bo‘ysunadi, faoliyatini vazirlikning
Tashkiliy-tezkor boshqarmasi hamda Favqulodda vaziyatlarda harakat qilish va
boshqarish milliy markazi bilan hamkorlikda amalga oshiradi.
O‘zbekiston Respublikasi Fanlar akademiyasining Seysmologiya instituti
Markaz faoliyatini ilmiy-metodik tomondan ta’minlaydi.
Markaz Nizomi va uning tashkiliy tuzilmasi O‘zbekiston Respublikasi
Favqulodda vaziyatlar vaziri tomonidan tasdiqlanadi.
Markaz yuridik shaxs hisoblanadi, o‘z balansiga, gerbli muhr va blank,
shtamp va bankda o‘z hisob raqamiga ega bo‘lib, faoliyati O‘zbekiston
Respublikasi Davlat budjetidan moliyalashtiriladi.
MARKAZNING ASOSIY VAZIFALARI
Markazning asosiy vazifalari quyidagicha:
O‘zbekiston Respublikasi hududida, transchegaraviy hududlarda, shuningdek tabiiy va texnogen xavf yuqori bo‘lgan hududlarda seysmologik va seysmometrik kuzatuvlarni tashkil etish;
respublika hududida kompleks-prognostik kuzatuvlarni amalga oshirish, ma’lumotlarni to‘plash va uzatish, ularning dastlabki tahlilini amalga oshirish;
O‘zbekiston va unga chegaradosh hududlarda sodir bo‘lgan kuchli va sezilarli zilzilalar to‘g‘risidagi ma’lumotlar bilan aholi va tegishli davlat organlarini o‘z vaqtida xabardor etish;
seysmik xavfni monitoring qilish, seysmik xatarni va kuchli zilzilalar oqibatlarini baholashga doir kuzatuvlarni xo‘jalik shartnomalari asosida tashkil etish hamda sohaga oid ilmiy tadqiqotlar olib borish va o‘tkazish;
kuchli zilzila sodir
bo‘lgan taqdirda, davlat organlari va tashkilotlari vakillaridan iborat bo‘lgan
episentral guruhning kuchli zilzila episentrida shikastlangan binolar hamda inshootlarning
yaroqliligini baholashga doir faoliyatini tashkil etadi hamda uning doimiy shayligini
ta’minlash;
o‘rganilayotgan hududlarda
kompleks-prognostik poligonlarni yaratish va rivojlantirish;
seysmik faol zonalarda joylashgan suv omborlarida seysmologik va seysmometrik kuzatuvlarni olib borish;
Respublikada kuchli zilzilalar haqida erta ogohlantirish milliy tizimini bosqichma-bosqich ishga tushirish va uni takomillashtirish.